News & Events

  • Home
  • News & Events
News

കെസിബിസി സമ്മേളനം ഓഗസ്റ്റ് 2 മുതല്‍ 6 വരെ

കൊച്ചി: കേരള കത്തോലിക്കാമെത്രാന്‍സമിതി ദൈവശാസ്ത്ര കമ്മീഷന്റെ നേതൃത്വത്തില്‍ സംഘടിപ്പിക്കുന്ന ഏകദിനദൈവശാസ്ത്രസമ്മേളനം 2021 ആഗസ്റ്റ് 2 തിങ്കളാഴ്ച രാവിലെ 9.30 മുതല്‍ വൈകുന്നേരം 4 വരെ ഓണ്‍ലൈനായി നടക്കും. ''സുവിശേഷീകരണങ്ങളിലും ദൗത്യങ്ങളിലും മാധ്യമങ്ങളുടെ പങ്ക്' എന്ന വിഷയത്തെ സംബന്ധിച്ച് റവ. ഡോ. ജോബി കാവുങ്കല്‍ RCJ, ഡോ. പോള്‍ മണലില്‍, ശ്രീ. സെര്‍ജി ആന്റണി എന്നിവര്‍ പ്രബന്ധങ്ങള്‍ അവതരിപ്പിക്കും. കെസിബിസി  പ്രസിഡന്റ്‌ കര്‍ദ്ദിനാള്‍ മാര്‍ ജോര്‍ജ് ആലഞ്ചേരി ഉദ്ഘാടനം ചെയ്യുന്ന യോഗത്തില്‍ സെക്രട്ടറി ജനറല്‍ ബിഷപ് ജോസഫ് മാര്‍ തോമസ് അധ്യക്ഷത വഹിക്കും. ദൈവശാസ്ത്ര കമ്മീഷന്‍ ചെയര്‍മാന്‍ മാര്‍ ബിഷപ് ടോണി നീലങ്കാവില്‍ സ്വാഗതം ആശംസിക്കും. ഡോ. സിബു ഇരിമ്പിനിക്കല്‍, ഫാ.വിന്‍സന്‍  തറയില്‍, ഫാ. കപ്പിസ്ഥാന്‍ലോപ്പസ്, ശ്രീ ജെക്കോബി, ശ്രീ ജോഷി ജോര്‍ജ്, മിസ് അലീന എന്നിവര്‍ പഠനവിഷയത്തെ ആസ്പദമാക്കി സംസാരിക്കും.

കത്തോലിക്കാസഭയിലെ മെത്രാന്മാരും തിരഞ്ഞെടുക്കപ്പെട്ട ദൈവശാസ്ത്രപണ്ഡിതരും മേജര്‍സെമിനാരികളിലെ റെക്ടര്‍മാരും ദൈവശാസ്ത്ര പ്രഫസര്‍മാരും കെസിബിസിയുടെ വിവിധ കമ്മീഷന്‍സെക്രട്ടറിമാരും ഏകദിന ദൈവശാസ്ത്രസമ്മേളനത്തില്‍സംബന്ധിക്കും.
2021 ആഗസ്റ്റ് 2 തിങ്കളാഴ്ച വൈകിട്ട് 5 -ന് കെസിബിസി സമ്മേളനം ആരംഭിക്കും. അടിയന്തര പ്രാധാന്യം അര്‍ഹിക്കുന്ന വിഷയങ്ങള്‍ ചര്‍ച്ച ചെയ്യും. തുടര്‍ന്ന് ആഗസ്റ്റ് 3 മുതല്‍ 6 വരെ മെത്രാന്മാരുടെ വാര്‍ഷികധ്യാനം നടക്കും. വിന്‍സെഷന്‍ കോണ്‍ഗ്രിഗേഷന്‍ കോട്ടയം പ്രൊവിന്‍ഷ്യല്‍ സുപ്പീരിയറായ റവ. ഫാ. മാത്യു കക്കാട്ടുപ്പിള്ളി ആണ് ധ്യാനം നയിക്കുന്നത്.

ഫാ. ജേക്കബ് ജി. പാലയ്ക്കപ്പിള്ളി
ഡെപ്യൂട്ടി സെക്രട്ടറി ജനറല്‍, ഔദ്യോഗികവക്താവ്, കെസിബിസി/
ഡയറക്ടര്‍ പിഒസി.